دخول سجن غريب مرعب،أحدهما يجد أشدالتعذيب البدني والنفسي في زنزانة

 حمزة البسيوني 

فيديو في قناتي علي اليوتيوب تحت عنوان : تحقيق صحفي لاثنان من عالم الصحافة يدفعهم لدخول سجن غريب مرعب،أحدهما يجد أشدالتعذيب النفسي في زنزانة

فاكرين المشهد ده ، المشهد ده حقيقي مش من خيال المؤلف أو من خيال الفنان عبد المنعم مدبولي ، يقول الفنان عبد المنعم مدبولي أن مشهد تقليد الكلب في فيلم احنا بتوع الاتوبيس كان حقيقة في سجون حمزة البسيوني مدير السجن الحربي في عصر جمال عبد الناصر وقال أنه كانت له جارة وجوزها كان معتقل ، وبعد عناء تمكنت من زيارته ، ذهبت الي السجن الحربي ومعاها بنتها وكانت في مكتب حمزة البسيوني ودخل جوزها الزيارة في وضعية الكلب مذلولا امام زوجته وابنته وقال له البسيوني : انت ايه فأجاب انا كلب يابيه ، وقال له  : الكلب بيعمل ايه ؟ قال بيهوهو يابيه قال له طب اعمل زي الكلب فالراجل هوهو فقرر مدبولي ابتكار هذا المشهد المأسوي في الفيلم ! 

فمن هو حمزة البسيوني ؟!

هواللواء حمزة البسيوني  ملك التعذيب مدير سجن عبد الناصر الحربي ، ويحكي أن أحد السجناء قال له : ألا تتقي الله فرد عليه وقاله : ده ربنا بتاعك ده لو نزل ها احبسه في الزنزانة اللي جنبك حبس انفرادي  

 هحبسه في سجن انفرادي  

الطاغيه في السجن 

و تمر الأيام و تيجي نكسة ٦٧ ثم تصدر القرارات بتصفية رجال "عبد الحكيم عامر" و إحالة البسيوني علي المعاش ثم القبض عليه و التحقيق معه فيما هو منسوب اليه من انحرافات و وُضع مع بعض ضحاياه في سجن القلعة و فضل فيه سنتين  

يقول الكاتب الصحفي "صلاح عيسي" و الذي التقي حمزة البسيوني و هو مسجون في سجن القلعة عام ١٩٦٨ : « شاهدت رجلا عجوزا شعره ابيض كالثلج يمشي في ضعف و إنكسار و أمامه مخبر يصرخ فيه ليحث الخطى ، و ذات ظهيرة انتهز فرصة مروره أمام زنزانتي ، ليقول لي بصوت هامس : ( أنا اللواء حمزة البسيوني.. أنت مين؟ ) و قبل ان أفيق من دهشتي ، دهمنا صوت المخبر ، و هو يصيح فيه : ( امشي من سكات ) ، فإذا به يستجيب للإنذار بخوف شديد حينها تتابعت على شاشة رأسي صور خاطفة لمشاهد مما سمعته من المعتقلين عما فعله بهم سياط تمزق جلودا و صفعات تصافح أصداغا و أجساد تسحل بحبال خشنة على أرض صخرية أهذا الرجل المنكسر الضعيف هو اللواء " حمزة البسيوني " الذي يزدحم ملفه بكل تلك المشاهد التي لا يتحمل أي انسان مجرد رؤيتها ! الرجل الذي كان مديرا للسجون الحربية يتحول إلى مسجون ...... و يبدو كفأر مذعور؟ 

موته ٱيه لمن يعتبر  

و بعد خروجه من السجن ظل حمزة البسيوني غائبا عن الاضواء حتى جاء يوم ١٩ نوفمبر عام ١٩٧١ و كان موافقا لاول أيام عيد الفطر المبارك كان حمزة مسافرا من الاسكندرية الي القاهرة و معه شقيقه راكبا الي جواره و اصطدمت سيارته باحدي السيارات المحملة بحديد مبان و مات حمزة و شقيقه و تعرضت جثته لتشويه غريب نتيجة دخول عدد من الاسياخ الحديد فيها . و ينقل لنا المستشار " خيري يوسف " رئيس محكمة الاستئناف السابق ما حكاه بشأن معاينته لجثة حمزة البسيوني حيث يقول عن الحادثة " كانت حادثة مروعة و كنت وقتها رئيسا لإحدي النيابات في محكمة كلية و خرجنا أنا و زميل لي في مهمة قضائية لمعاينة الحادث " و دلت المعاينة و شهادة الشهود علي أن سائق السيارة القتيل كان يقود سيارته بسرعة غريبة و كانت أمامه سيارة نقل مُحملة بأسياخ الحديد التي تتدلي من مؤخرة السيارة و دون أن يتنبه استمر في سرعته حتي اصطدم بالسيارة النقل و حينها اخترقت أسياخ الحديد ناصية القتيل و مزقت رقبته و قسمت جانبه الأيمن حتي انفصل كتفه عن باقي جسده " و بتأثر واضح

ماذا  قال المستشار خيري : 

" لم أستطع مناظرة الجثة فقد وقعت في إغماءة من هول المنظر و قام زميلي باستكمال مناظرة الجثة " مات حمزة البسيوني بعد أن سفع الله ناصيته و جعل موته عبرة لمن يعتبر و عند موته امر الله النعش الا يدخل المسجد ليصلي عليه و حبسه الله داخل نعشه و التصق به و لم يصلي عليه و غسل احدي عشر مرة لانه كان يتبرز و هو ميت و تعجب المغسلين و جلبوا طبيب خشية ان يكون حيا فاقر الطبيب انه ميت و دفن و هو يتبرز و لم يجد الاطباء بعد ان انتشر هذا الخبر علي الصحف تفسير طبي لذلك و اغلقو عليه القبر بالاسمنت و لن يدفن به احد ، و عندما ذهبوا به لصلاة الجنازة عليه وقف النعش خارج المسجد و لم يدخل التابوت بيت الله ، فأبى الله أن يدخل التابوت المسجد فصعد إمام المسجد المنبر و قال : « مَنْ حبس مَنْ يا حمزة ، حبست الله في زنزانة انفرادية أم حبسك الله فمنعك من دخول بيته  ،،،، " يا حمزة عَلِمَتْ الدنيا انك عبد و أنه رب " " اللهم ارينا اياتك فى الظالمين المتجبرين على ضعفاء خلقك ف انت المنتقم الجبار " نسأل الله ببركة هذه الليله ان يرينا آياته ف كل ظلمنا وشتت أهلنا اللهم .

وكان لابد لنا أن نسجل ذلك الحدث الغريب ، وهو مايجعله حدث ملهم لسرد قصص وحكايات وروايات ونسرح بخيالنا للمواقف ، وكل يسردها من وحي الخيال سواء بالاضافة أو الخيال والابتكار وهذا ماحدث في هذا الفيديو ، وهو الجزء الاول ، فتم صنع المحتوي علي هذا الاساس وحاولنا ان نصل اليكم طبيعة تلك الفترة من مراكز القوي التي كانت منتشرة في ذلك العصر ، واليكم الحوار التخيلي :

الشيطان  : ههههههههههههه ...بقي انت عاوز السلطة والمال والنفوذ...انت عارف دول تمنهم كام ؟!

حميد السليوني : أنا مستعد لأي تمن

الشيطان  : أول حاجة تكون طوعي وتنفذ اللي اقولك عليه من غير إعتراض

حميد السبليوني : وأنا تحت أمرك واللي تقول عليه المهم إن يكون معايا السلطة و

النفوذ

الشيطان   : مافيش حاجة في قاموسنا إسمها رحمة

حميد السلموني : موافق

الشيطان  : يعني إلهك يبقي مين ؟

حميد السلموني : ألهي سلاحي وقوتي ومالي

الشيطان  : علشان تاخذ السلطة والمال والنفوذ لازم تكفر بربنا وتقدم القرابين في

ميعادها وهايكون ليك خدام كتير من الجن وهاينفذوا كل أوامرك ههههههه

"موسيقي "

ميلا : تعالوا نشوف مع بعض لما الشيطان يتملك من بني ادم بيحوله لإيه ومين

ده اللي في سبيل السلطة والنفوز عقد عهد مع الشيطان وياتري هايعمل بيهم ايه وهايفتري علي الناس بالظلم والظلم

ونهايته هاتكون إزاي

"تعريف القناة والاشتراك والاعجاب "

حاتم: مدبولي اطفي تسجيل الحلقة اللي فاتت احنا دلوقتي لازم نركز في قصة الفيلم التسجيلي الجديد ياجدع وابتدي معايا التسجيل الجديد ......أيوة كدة

شاطر .....أنا بقي أسمي حاتم يوتيوبر كد الدنيا ونسجل فيديو قصير عن...

ياما في الحبس مظاليم وهاندخل السجن علشان يكون فيديو واقعي يالا بقي جهزباقي العدة يامدبولي أنا جهزت كل حاجة هانحتاجها ....ههههههههه عارف شكلك حلو أوي في اللبس المبهدل ده ...

عارف بأمانة تنفع سوابق ولو أنا قاضي أديك تأبيدة

مدبولي : مش ناقص تريقة كويس إني لاقيت حاجة مقاسي ...ألا صحيح

أنت أخدت التصارح كلها من مأمور السجن ...أنا هاأدخل إزاي

وها أقعد في الزنزانة إزاي ...وأكيد أنت مجهز الكاميرا كويس

حاتم: هي كامرا واحدة ؟! ده أنا ياأبني مجهز أربع كاميرات

يعني الفيديوهات هاتتاخد من أربع زوايا أنا عاوز الفيلم

يكسر الدنيا والحوار فشيخ طبعا ..ده مش هايكون فيلم

تسجيلي وبس ...ده أنا ها أبقي ترند يامعلم ودي اللحظة اللي بأستناها من بدري ..

الظابط : اهلا حاتم ...اهلا مدبولي أتفضلوا يالابينا علشان تخلصوا شغلكوا بدري ..بدري ..كل حاجة جاهزة "صوت أقدام تمشي " ...افتح ياأبني الزنزانة

اتفضلوا هنا ده بقي مسجون ..خايف من كل حاجة وبيحلم بطيارات العدو

تحس أنه شارك في النكسة اللي حصلت لنا ...وكل شوية يصرخ ويقول..

مش أنا سبب الهزيمة ...هو هو سبب الهزيمة الراجل المفتري ...وكلام

من ده كتير ...هاتشوفوا بنفسكم ..بس خلي بالك يامدبولي ما تشقطش

مسجون كدة ولاحاجة بعد مانفرج عنك طبعا .....هههههههههههههههه

سرور : هوهوهو هو .....انتو مين ...انتو رجالة العدو ....صح ...اه صح مش أنا

سبب الهزيمة ....هو هو سبب الهزيمة انا يادوب كلب أقعد عند رجلين سيده

هوهوهو ...أنتو عايزين مني إيه بعد ماخد مراتي ..وخلاني كلب ...أيوة أنا

كلب هوهوهو ...سبب الهزيمة الافترا والجبروت ...انا مش عاوز اخرج

للوحوش ...علي الأقل أنا هنا كلب ..وباكل العظمة اللي بيرموها لي ..أه أه أه

الكرباج بيوجع جامد ...أنا عاوز أعرف مراتي فين ..وهو راح فين المفتري

مافيش غير ربنا اللي يجيب لي حقي ...أه اه أه يازمن يابلد الني ني ..الكل نا.نا

هوهوهو ...أنت يتكتب أيه ...مافيش فايدة ..هما هما ..عاوز اروح ...لا أنا ها

أقعد أهوهو ..مش أنا سبب الهزيمة ..هو سبب الهزيمة الراجل المفتري

حاتم : اهدا كدة ..ممكن تهدي وتحكي لينا ايه سبب دخولك السجن ..ارجوك تهدي إحنا مش أعداء ولاحاجة وكرباج ايه اللي انت خايف منه ..انت هنا في امان

ماحدش هايعمل لك حاجة احنا حقوق الانسان ومعانا قنوات بنذيع عليها .

يعني ماتخافش وحقوقك كلها محفوظة في معاملة ادمية ...انت بني ادم .....

انت مش كلب ولاحيوان ..

سرور : ااانت بتضحك عليا ..امال اللي حصل معايا ده اسمه ..ايه

حاتم : وانا هنا علشان أسمعك

سرور : انا انسان عادي وفي حالي بأكتب قصص .بأقول أشعار ماليش دعوة مين

يمسك البلد ..غلطتي أني احتكيت بالجماعة ..الجماعة اللي فاكرين انهم خلصو

البلد من الاعداء ، وهم اللي بيدافعوا عن مكاسب الجلاء عن البلد ..اتعرفت

واحد منهم أسمه حميد البسليوني ..ده مش بني أدم ..ده ذئب بشري في صورة

إنسان ..هو كان رئيس السجن ده ..وفي يوم عزمته في بيتي ..ماكنتش أعرف

إني دخلت بيتي شيطان ..بعد فترة لقيت قوة ..هو كان بيسمي نفسه مركز قوة ..والقوة اللي تبعه أقتحمت بيتي وأخدوني لهنا وفي إيدهم ورق وقالوا الورق

ده بتاعك وانت بتراس الاعداء وعاوزهم يرجعوا ياخدوا البلد تاني ..وقعدوا

يعذبوني ..أنا بأضرب بالكرباج ..لدرجة إنه كان بيقولي ..انزل علي إيديك

ورجليك ..انبح ..انت أيه ..انت كلب ..الكلب يعمل ايه ..يهوهو..هوهو يالا ....

لحد مافي يوم قالولي تعالي ليك زيارة رحت مكتبه وقبل ما ادخل الحرس بتاعه

خلاني امشي علي ايديا ورجليا وأدخل المكتب ألاقيه قاعد علي مكتبه ..وعلي

كرسي قصاده "لحظ صمت " مراتي وبنتي ...ويقولي انت ايه "لحظة صمت "

"صوت كرباج"

انا ..انا كلب .."بصوت حزين " أقرب الي البكاء ..الكلب بيعمل ايه ؟ ...بيهوهو

يلا هوهو ...هوهوهو.."ويضحك بصوت عالي " ..سيب مراتك بقي لإنها تلزمني

"بصوت حزين " لأ لا مش ممكن ... صوت كرباج ...أنا هنا اللي عاوزه هو اللي

هايحصل ...سيبها يالا طلقها ..

ومن ساعتها وانا هنا زي مانتوا شايفين ..هوهوهو أنا إيه أنا كلب هوهوهو

مش انا سبب الهزيمة هو سبب الهزيمة الراجل المفتري

"صوت باب بيتفتح ويتقفل "

مدبولي : ايه كمية البشاعة دي ..كل حاجة اتصورت تمام ..لكن الراجل ده اللي

حصل معاه كان شئ فظيع ..وياتري أنا هاأقضي الليلة مع مين ..وهايحصل

فيا كدة ؟

حاتم: ههههه ماتخافش الموضوع اللي بيحكيه ده كان زمان ..شكلها حلقة

هاتكسر الدنيا ..اضمن الترند يامعلم .."وكأنه بيكلم نفسه "ودي حالة سرور

مدبولي: أنت كل اللي يهمك الترند بأقولك الراجل صعب عليا ..واللي حصل معاه ده افتري

حاتم :مش لوكان اللي حصل معاه ده حقيقي ..لا سيبك من المشاعر دي ..ولمعلومك

ملف السجين ده بيقول أنه بيتم معالجته نفسيا من نوبات صرع وعنده هلاوس

بصرية وسمعية . وأنا قصدت أبتدي بيه علشان أشوف رد فعلك يعني إحنا

مانعرفش الحقيقة كاملة

مدبولي : طب ياسيدي بص كدة شوف أهو سجين تاني ، وشعره أبيض خالص

ورفيع ..معقولة ده بيلاقي الرعاية الكاملة ..بص بيتلفت يمين وشمال .وخايف

قولي كمان إن ليه ملف ..ومريض نفسي ؟!

"صوت أقدام "

شوف بيمشي ازاي تحس أنه مذلول ..لا ياسيدي السجن هنا بتحصل فيه حاجات

غريبة

حارس السجن : يالا يامسجون أنت أمشي ..أنت مش هاتقعد عندك كتير ولا رجلك

أتكسرت ...يالابطل لكاعة ......امشي بسرعة

مدبولي : بالراحة شوية ياعم انت علي المساجين ..يعني الراجل تعبان ..سيبه يااخي يمشي براحته ..خلي في قلبكم شوية رحمة

حاتم : قلت لمدبولي يالا بقي يابطل أدخل زنزانتك ..ومش هاتكون لوحدك معاك

اتنين مساجين لوز ..وأسيبك بقي هم يومين وهاتطلع براءة ..ههههههههه

قلت له كدة وسيبته ومشيت ..ولما وصلت الشقة بتاعتي ..اترميت علي كنبة في

الصالة "أهه صوت تتاوب

ورحت في النوم ، لاني كنت تعبان أوي وفجأة صحيت علي صوت أنا عارفه كويس

"صوت كرباج " أيوة ده صوت كرباج..أيه ده ..ايه ده ..أنا فاكر كويس أني في البيت ..لكن اللي قدامي دلوقت "موسيقي رعب " سجن ..أيوة السجن اللي كنت فيه

طب ازاي ..زنازين كتيرة ..وأنا باتمشي في طرقة طويلة ظلمة .."موسيقي رعب " فيه ايدين كتيرة بتخرج من فتحة ابواب الزنازين ...أه اه اه "صوت الكرابيج بيعلي "صوت كرباج ..نباح كلب ..صرخات "

مش قادر أستحمل الاصوات دي كلها أيه ده أنا شايف ظل لشخص بيمشي سامع صوت أقدام "صوت أقدام " جاية من ورايا ..مين مين ..فيه أيد لمست كتفي اتلفت

لقيت مدبولي تعبان

مدبولي : اشيت ..اسكت ماتتكلمش ..

حاتم : حاضر ..حاضر ..هو فيه ايه بالظبط ..أنت جيت هنا إزاي أنت خلصت مهمتك

مدبولي :إنت ورطتني في إيه بالظبط ..سبتني هناك ومشيت ليه ...لا ..لا ..مش انا ده هو ..هو السبب

حاتم :إيه ياأبني فيه إيه ..وفجأة بأابص ألاقي ظل كبيرأسود في أخر الطرقة وعينيه

حمرا ...وايه اللي تحت رجليه ده ..دي ..دي ناس نايمة صدرها عريان ..والبنطلون عليه أثار دم ..أيوة فيه سائل لزج في تحت رجلي ..أيه ده دم ..ريحة الدم مالية المكان . الدم بيتحرك ..كأنه بيدلق علي الارض ..جاي من فين ...اه اخره عند الظل الاسود اللي هناك .الناس اللي نايمة تحت رجليه ...دي مش نايمة ..دي ..دي جثث ..الظل بيتحرك ...جاي ناحيتي ...بيكبر ..قرب خالص ..مافيش بينه وبيني غير شبر ولقيته فجأة صرخ

"أيه اللي جابك هنا ...هههههههه..أنا عارف أنت بتدور علي إيه علشان كدة ..جيتلك ونقلتك لمملكتي ..زي ما ظهرت لصاحبك ..عاوز تعرف الحقيقة ..صح ..أيوة أنا اللي أنت بتدور عليه ..هههههه...تعال إتفرج .

حاتم : كنت مسلوب الإرادة بأمشي من غير ما أكون عاوز ..بتتفتح أول زنزانة ..

صوت هوهوهوة

حميد السلموني : ده طبعا لسة عايش ..وانت شفته مش محتاج أشرح لك ..ماحبتش أموته..مافيش فايدة منه ..عايش كلب ..شوف بيضرب إزاي.."صوت كرباج "

"تتفتح تاني زنزانة "صوت كرباج وواحد بيغرقوه في برميل"

ده بقي واحد من بتوع الجامعة بتاع الشعارات ..مش عاوز يقول فيا شعر كويس

وعمال يقل ادبه بالذمة ده كلام ...انا سبته برضوا يعيش وده تعرف قصته من صاحبك : أنا بس عاوز أوريك أحلي مشهد في حياتك

حاتم : فجأة يتحول المشهد لأوضة في قصر ...والشخص اللي بيكلمني ومعاه واحدة ست ..الراجل ده حاسس إني شفته قبل كدة ..شفته فين ؟ فين ..المهم سمعت صوت الست

مرات سرور : انت أيه ياأخي ..أنت مش طبيعي ..أنت مش أنسان ..أنك تعذب جوزي ..علشان توصلي ..علشان تاخذ غرضك مني ..وبعد كدة ..تعرفني علي أصحابك ..البهوات ..انا مش لعبة في إيديك ..وكفاية أنا زهقت من العيشة دي ..ماقتلتنيش ليه ؟

حميد السلموني: "يضربها بالقلم ..ويشد شعرها ..وهي دي غلطتي الوحيدة ..اللي هاتخليني أخسر كل حاجة ..إني ما أقتلتكيش ..كنت عاوزك ليا لمزاجي .

لكن هو كان عاوزك قربان ..أنا اللي ما رضيتش ..أنا أحتفظت بيكي ودي غلطتي

..وأنا زهقت منك لكن مش قادر أموتك ..أنتي أطلعي برة مملكتي ..يالا ..بره

حاتم : الراجل بينزل من علي السلم وبيجرها من شعرها وهي بتصرخ ..وبيفتح باب الفيلا ويرميها بره ..يالا برة ..وهي تصرخ

وفجاة يظهر كيان ضخم : أنت فاكر أنك بكدة بترضيني ..أنت نقدت العهد اللي بنا ..مالكش عندي طاعة ولاخدامي هايكون خدامك ..أنت خسرت كل حاجة ..شوف بقي لما تروح عند ربنا ها تقوله إيه ..هاتقوله أنك كفرت بيه ..وأنا بقي ضحكت عليك ..ههههههههههههه " ضحكة عالية "

" فاصل موسيقي "

مدبولي : انت بقي محبوس هنا بتهمة إيه .

طالب الجامعة : ماليش تهمة غير أني كنت باقول كلمة حق وبأعمل مناظرات في الجامعة وباحارب الفساد بالكلمة ..وفجأة لاقيت ناس بتقول علي نفسها مركز قوة أقتحمت الجامعة ..وقبضت عليا أنا وزمايلي ..ومن ساعتها انا هنا باتعذب من واحد وحش مش بني أدم ..أنا وزمايلي ..أه أه أه " صوت كرباج " ويخلع قميصة ..شوف الكرباج معلم علي ظهري إزاي ...ناس كتير ماتت تحت أيده من التعذيب ..شايف أخر ممر الزنازين ده ...فيه قبو ..بيطلعوا منه الجثث ..وبعدين الجثث تختفي ..ومرة صرخت في وشه قلت له "أتقي ربنا ياراجل " لقيته بيرد عليا ويقولي

حميد السلموني : انت عارف لو ربنا بتاعك ده جالي ها اسجنه في الزنزانة اللي جنبك "هههههههههههههههههههههه"

اضربه بقي خليه يتعلم الادب "ضرب كرباج

طالب الجامعة :يالا بقي استريح ياسي الافندي الليل قرب يدخل علينا ..مافيش فايدة أهي سنين بنقضيها من حياتنا وخلاص

ينام مدبولي ويحلم

مدبولي : علي رأيك ..أااهه "تتاوب " أنا تعبان أريح شوية ..وادي نومة ..نمت لاني بصراحة كنت تعبان جدا ،صحيت لقيت نفسي بأطلع برة الزنزانة ..وماشي في الممر ..والدنيا ظلمة ..ظلمة جدا ..أنا شايف راجل طويل مديني ظهره وملامحه مش باينة ..لكن حاسس إني شفته قبل كدة وفيه مجموعة من الناس .دول شكلهم زي حراس السجن بينقلوا أشولة ..وأنا ماشي رجلي جات في شوال مرمي في الممر ..الشوال إتفتح ..."صرخة" إيه اللي أنا شايفه ده "بصوت أقرب الي البكاء" رأس بني أدم بتدحرج ناحيتي ..والشوال فيه باقي جثته ..أنا خايف حد يشوفني ..لكن أيه ده ..حارس من الحراس جه سحب الشوال اللي فيه الجثة ومشي ..أيه ده هو مش شايفني ..كويس أكمل مشي أشوف دول بيعملوا إيه ومين الراجل ده اللي واضح أنه بيأمرهم ..هم دخلوا كلهم القبو اللي حكي لي عليه طالب الجامعة ولاإيه ..لقيت نفسي بأدخل وراهم وهم رموا الأشولة علي عربية كاروا ..ومشيوا بيهم ..أيه ده أنا جوة القبو ..أيه ده القبو فتح علي مكان صحرا بعيد عن العمران ..أيه ده ..أيه ده ..ايه الكائن الغريب ده .والراجل اللي أنا حاسس إني شوفته قبل كدة بيقرب منه ويبوس علي إيده .ويركع قدامه ..وبيرمي قدامه شوال وبيطلع جثة يرميها علي الأرض ويرسم حواليها نجوم كتيرة ..وفجأة يولع شمع ويلف الشمع مولع حوالين الجثة

الكائن الغريب : ههههههه أيوة كدة جبت القربان في ميعاده .وبتطلع نار من بقه مع لهب الشمع تحرق الجثة

أه ..أه ..أوع النار ...النار هاتحرقني ...هاتحرقني .....أه أه

طالب الجامعة : ايه ياسي الافندي أصحي فوق .نار إيه وهاتحرق مين ؟!

مدبولي  : الممر ..القبو ..الجثث ..الشيطان ....

طالب الجامعة : ياسي الافندي ممر ايه وقبو أيه انت هنا في الزنزانة زي ما أنت ...

يظهر كنت بتحلم ...يالا فوق

مدبولي  : ده مش حلم ده كابوس ..لكن أنا عرفت الجثث بيودها فين ..وها أكشفهم كلهم .

طالب الجامعة :ياسيدي الكلام ده من 12سنة يعني تقريبا من سنة 56 والراجل اللي باحكيلك عليه ..يمكن مسجون معانا هنا ..أو مات ..المهم هو اتشال ..دلوقتي انت في امان ..مافيش جثث ..والقبو اتقفل ..انت كنت عاوز تعرف ايه اللي حصل معانا زمان وانا حكيت لك

مدبولي  : هي الساعة كام دلوقت

احنا يادوب قربنا علي الساعة 12 الظهر ..وانا سهران امبارح لحد مالقيت سيادتك بتترعش وتهلفط بالكلام اللي كنت بتقوله ..انت يمكن نمت 12 ساعة

مدبولي  : هو أنت ظابطينك علي رقم 12 ...12 سنة ..الساعة 12 ...وانا نمت 12 ساعة ...لما أقوم اشم شوية هوا من شراعة الزنزانة دي ...والمفروض أطلع أنا دلوقت وأكتب تقريري

وعند الظهر تاني يوم

مدبولي  : "وهو بيقرب من فتحة الزنزانة " وصوت أقدام

"وفجأة يلاقي وجه مسجون في وشه

مدبولي  : ايوة أنا عارفك أنت اللي كنت بتمشي أمبارح والسجان بيزعق فيك ..حتي شعرك كله أبيض ..وخايف ..قول لي خايف من إيه وتهمتك إيه
حميد السلموني : "بصوت واطي " أنا اللواء حميد السبليوني ..أنت مين ؟

مدبولي  : "بصدمة " ح .ح.ح. حميد السبليوني ...مش معقولة

صوت الحارس : يالا يامسجون أنت ملكش دعوة بحد وأمشي من سكات

حميد السلموني : ماتستغربش أيون انا حميد السبليوني ...وانا عارفك وعارف صاحبك ..أنا زرتك أمبارح زي مازرته هو كمان ...بس مش انا السبب ..السبب هو الشيطان اللي عاهده ."مشهد نور الشريف " وهو نقض العهد علشان كدة كل حاجة راحت ...السلطة والنفوز ..والمال ....وانا دلوقت مسجون ذليل ..ومش عارف نهايتي هاتكون ازاي ...أكتب كل اللي شفته ..واحكي حكايتي قبل ما اخرج من السجن ..واكيد انت كمان هاتطلع ..ما انا عارف انت دخلت هنا علشان تكتب حكايتي ...أسأل صاحبك وهايقولك

ميلا : ياه في جبروت بالشكل ده اكيد طبعا لما الانسان يبيع نفسه للشيطان عموما هو اتسجن من الناس اللي كان بيعذبهم في السجن..وبكدة يكون انتهي الجزء الاول الي اللقاء مع الجزء الثاني وماننساش الاشتراك واللايك والشير



الجـــــــــــــــــــــــــــــــزء الثاني





مشهد مقتل حميد السبليوني " صوت سيارة مسرعة "

أخو حميد :هدي السرعة شوية

حميد السلموني : ايه العربية اللي محملة أسياخ الحديد دي ..لاراضي يروح شمال ولايمين

أخو حميد : طب هدي السرعة أنت ...أنت بتزود ليه

حميد السلموني : أنا لازم أعديه ...ومش أنا اللي يهدي السرعة ..أنا الناس كلها كانت بتترعب من مجرد سماعهم أسمي ..مجرد سواق غبي ..مش عامل حساب الحمولة اللي علي عربيته هايوقفني كمان ...انا ها ازود تاني "صوت تزويد بنزين وكلاكسات عربية

اخو حميد : حاسب ...حاسب ...أنت هاتدخل في العربية واسياخ الحديد ..حاسب ..وهدي السرعة ...حاول تقف ..حااااااسب

"صوت اصطدان العربية جامد "

حاتم : ممكن نلاقي يامدبولي نماذج كتير من حميد البسليوني ..في أي مجتمع هاتلاقي حميد وأتنين وتلاتة ..لكن المجتمعات اللي عاوزة تبقي محترمة

وتتقدم وتبقي راقية يتقضي علي النماذج دي بسرعة وتتخلص منها

ماتستناش أن نموزج ذي ده يبقي سرطان وسوس ينخر في أوصال

المجتمع ..واستمراره في الحياة بيضع أجيال كتير .ويحطم أسر 

شاهد الجزء الاول من القصة تحت عنوان :

"تحقيق صحفي لاثنان من عالم الصحافة يدفعهم لدخول سجن غريب مرعب،أحدهما يجد أشدالتعذيب النفسي في زنزانة"

اضغط عالي الصورة