عجوز المترو ، والفتاة اللعوب

 

البنت حاطة رجل علي رجل
نيجي بقي

للأخ ده الراجل الكبارة اللي هايعلمنا الأصول وأيه يصح وأيه اللي مايصحش راعي القيم والاخلاق ،برافوووو عليك ، حليت مشكلة عويصة ناس كتير مش واخدة بالها منها ، إزاي البنت دي تحط رجل علي رجل قدامك في المترو ، الناس كلها بتكون قاعدة في المترو المفرض يعني كل واحد في حاله مش فاضيين يركزوا مع حد ، كل واحد بيفكر يروح شغله إزاي وهايجري علي أكل عيشه والهم اللي هو فيه وخصوصا مع إرتفاع الاسعار وتكاليف الحياة الباهظة ، وسيادتك مركز في رجل البنت اللي رافعاها علي الرجل التانية ، ياحج إنت مش في الدوار هنا ، إنت في مواصلة عامة ، طب سيادتك ماوضحتلناش هي كانت حاطه رجل علي رجل قبل سيادتك ماتشرف وتركب المترو ولاأول ماسيادتك ركبت قوم أيه البنت قليلة الادب دي حطت رجلها في وشك ، وحتي لو ده حصل مين إدالك الحق إنك تهددها بلعصاية اللي معاك لدرجة إنك كنت عاوز تعتدي عليها

وبعدين جاي تقول إن البنت المحترمة ماتمسكش تليفون تاتش ؟

طب إيه رأيك في القعدة دي مش برضوا البنت قاعدة بإحترامها وفي حالها وبرضوا ساترة نفسها ، ومش محتاجة أسلوب بربري من حد ولاحد يتدخل في خصوصياتها،

طب بالعند فيك هايبقي ده شعار اللي هايركب أوهاتركب المترو 

 

مبسوط كدة ياعم الحاج

طب ياعم الحج مش المفروض إن سيادتك مايعجبكش الحال المايل ، وأنا بأقولك إن تصرفك ده بربري ولايمت للتحضر بشئ ، وأنت أصلا فيك كل العبر وحكاية إن مايعجبكش الحال المايل ده فنكوش ،واللي عملته ده شو وخلاص ، وهاقولك بعد شوية أنا ليه بأقولك كده ، طب إنت ياعم الحج ماخدتش لبالك للشاب اللي قاعد جنبك ولابس بنطلون مقطع ولامابيئزيش عينك غير اللي حاطة رجل ع رجل ، طب بمناسبة الرجل ع رجل مش أرحم من اللي يحطها في وش الناس ، ولا بمنتهي الجليطة وقلة الذوق يسندها بالشكل ده

طب يمكن سيادتك تكون عاوز البنت تقعد بالطريقة دي

 ، تعجبك يعني ؟ هاتبقي مبسوط ومنشكح وتبطل تهددنا بالعصاية اللي معاك ، أرجع لكلامي اللي قلته قبل كدة إنك لاراعي القيم ولايحزنون وإن اللي فات ده كله منظرة وحب ظهور اللقطة يعني بالعجرفة وقلة الذوق ، ولان الإناء ينضح بما فيه وفاقد الشئ لايعطيه ، كنت تعالج بالقيم والاصول اللي حصل مع أهل بيتك وإزاي عاوز تحرم طليقة إبنك من عيالها مش أنا اللي بأقول كدة ، رد أنت بقي علي البوست ده

حبيت بس في القضية دي أوضح نقطة إن المبادئ والقيم لاتتجزأ ، مش عاوز أقول اللي بيته من جزاج مايحدفش الناس بالعصاية أقصدي بالطوب

#مسيحية_إلى_النفس_الأخير #سماح_ناشد_رجعت #بنت_الملك #إيمان_لا_يتزعزع #حمدلله_على_السلامة

طب نرجع نعيد ونكرر تاني فين دور الاعلام من سماح ناشد عجيب وجرجا اللي كانت مشتعلة ؟ "علامة إستفهام " وشفتوا إننا أستعرضنا موضوع "مسن المترو" اللي الاعلام ألقي الضوء عليه بزيادة قوي لدرجة إن فيه كلام عن تبرع أحد رجال الاعمال بمليون جنيه لمسن المترو "وعجبي " _ياحلاوة في النفس الوقت اللي تجاهل وقفة أهالي جرجا الرجالة وكل مطلبهم حاجة بسيطة جدا رجوع بنتهم وأم لاطفال لحضنهم تاني ، مطب طبيعي حق مشروع ومش عارفين هل هو تجاهل عن عمد أوسقط سهوا مثل قضايا كتيرة للأقباط تسقط سهوا ، والحمد لله بعد معاناة الاهل لفترة ومابين جرجا والسويس أخيرا سمعنا خبر رجوعها

وبرضه أعتقد إننا لاهانشوف إعلام طلبها للتسجيل معاها ، وتحكي حكايتها مابين إختفائها ورجوعها "للتوعية لجميع البنات والسيدات المصريين مش الاقباط فقط ، كدة يبقي الدور الاجابي لإعلامنا مش نسيبها للتكهنات والشد والجذب لازم نخاف علي مصلحة البلد أكتر من كدة لكن يظهر إن فيه في ألاعلام اللي قاصد يشعللها أكتر ومش مهم عنده مصلحة البلد وهانعرف بعد شوية أنا ليه بأقول كدة، وطب إحنا نعمل إيه في موضوع زي موضوع سماح ، كلنا أكيد خايفين علي بناتنا وستاتنا ، أولا وثانيا وثالثا ورابعنا مهم جدا تعيتهم ، وتوضيح مايدار من حولهم من مؤمرات متشددين وأصحاب السبوبة لايقاعهن أوتعرضوا للإبتزاز، طب وقع المحظور والبنت أوالسيدة أخطأت واتمسك عليها حاجة ماكلنا بنغلط وخيرالخطائين التوابين ، ولاإيه ياعم الحج ، ومن منكم بلاخطية فليلقها أولا بحجر ، أسلك في جميع الطرق القانونية ، مع تظاهركم ياأهالي سماح ، مافيش مانع كان يرفع جوزها قضية طلبها في بيت الطاعة ، ده مش تقليل منها أوإقرار بجرمها قد ما إسراع في أي طريقة للرجوعها مرة تانية لحضن أهلها بأي طريقة إنت ضامن الدقيقة اللي بتعدي عليها بيحصل فيها ، وبتتدمر إزاي لانها ببساطة بتكون بين براثن وحوش لافي قلبهم رحمة ولاذرة ضمير

#كفاية_فتنة #الوعي #الكنيسة #الكنيسه #الكتاب_المقدس #هند_الضاوي #حديث_القاهرة #القاهرة_والناس #الفتنة_النائمة #المسيحية_الصهيونية #سفر_إشعياء #القرن_الخامس_عشر #المتطرف_الأمريكي #غضب_الأقباط #بيان_الكنيسة #الطائفة_الإنجيلية #اعتذار_القاهرة_والناس #بلاغ_للنائب_العام #لا_للفتنة #الوحدة_الوطنية #مسيحيين_مصر #الوعي #تحيا_مصر #أمن_مصر_القومي #احذروا_الفتنة

احذروا_الفتنة

نيجي بقي أخيراللإعلام الرايق اللي بيغطي الاحداث حسب الهوي ، مش بس كدة تطلع مذيعة علي قناة القاهرة والناس وتقول تصريح خطير ويعتبر تحريض علي فئة من الشعب قال إيه إن إزرائيل بتقوم بتجنيد ١٠٠ ألف مسيحي إنجيلي مصري يكونوا سفراء للكيان ، أقولها "خالتي بتسلم عليكي" أظن إحنا عارفين الكلمة دي إتقالت فين ومناسبتها إيه ؟ هانتكلم فيها بعد شوية لكن خلينا دلوقت "نقولها ياتري المعلومة دي مصدرها إيه ؟ دي مصيبة كبيرة لو كلامك صحيح والمعلومة دي سيادتك واثقة منها ، يبقي أكيد مصدرها من داخل الكيان نفسه يعني نقدر نقول إن سيادتك بتتعاملي مع الموساد وسرب لكي المعلومة دي وخالتي بتسلم عليكي أوبه يعني إنتي طلعتي جاسوسة كدة ، نرجع نشف مقولة خالتي بتسلم عليكي " كلمة مشهورة في فيلم نادية الجندي عن الجاسوسية والعمالة لدولة أجنبية ،وتعالي نتكلم بالعقل شوية بقي ونعمل حساباتنا تقدري تقولي كم عدد المسيحيين اللي جندتهم إزرائيل علي مدار السنين اللي فاتت من بداية إستقلال مصر ؟!دوري وصدقيني ومش هاتلاقي ولو لاقيتي ممكن ١أو٢ ، لكن أنصحك تتفرجي علي كل اللي إتعرفوا إنهم جواسيس ،إنشراح وجوزها ، جابر والجملة الشهيرة عاش خاين ومات كافر واللي جسد دوره الراحل نور الشريف ، رأفت الهجان وجدال حول إنه كان عميل مذدوج ! ودي مصر ياعبلة فيلم مديحة كامل ، بتعرفي تعدي لحد كام أستاذة هند خدي عندك هبة سليم، عزام عزام، رمزي الشبيني، عماد عبدالحليم إسماعيل، وانشراح موسى وزوجها إبراهيم سعيد، وآخرين. 

ودول كلهم مسلمين يعني ، رغم إني مابحبش التصنيف ده ، مواطن مصري ضعف وخان لكن إنتي بقي اللي عملتي التصنيف ، فوجب الرد عليكي

طب نقول بلاش وده زمن فات ، وإحنا ولاد النهاردة تقدري تقولي لي مين دي وبتعمل إيه مع الجيش الازرائيلي ؟ فين مصدرك ياست دي يلزمها تواصل مع الموساد أوحكومة الكيان "لمي بقي "

لكن للأسف الشديد ولانها ماتحاسبتش علي تصريح ذي ده طلعت علينا بالهبد كله " مالك إنتي وسفر أشعياء ؟ إتكتب في القرن ال١٥ ولا قبل الميلاد ، وعرفتي منين انه إتكتب في القرن ١٥ ؟ ده مبني علي دراسة من سيادتك ؟! طب إيه رأيك في المفاجأة دي أنا مش هاأكذبت ، وهاأوافقك في الكلام وكويس إنك إخترتي سفرأشعياء وقولتي عليه كدة ، ده فيه مصيبة كبيرة إنتي مش واخدة بالك منها ، إحنا المسيحيين بنؤمن بإن إصحاح ١٩ في سفر أشعيا وهو فيه وحي من جهة مصر فيه خراب لمصر ، وبنؤمن أنه حصل في دخول السيد المسيح والعذراء مريم لمصر يعني من قبل دخول العرب ب٦٠٠ سنة في فترة ماقبل الميلاد لكن سيادتك بتقولي أنه بعد كدة في القرن ال١٥ يعني الخراب بكل تفاصيله طبقا للوحي لسة ماجاش ، شوفتي بقي إفتكاساتك وصلتنا لفين ؟ قابلي بقي

أظن معني الفيديو ده ياريت الاعلام يعمل مرجعاته لسياسته كلها ، من أول تجاهله لمشكلات الاقباط إلي التصريحات الغير مدروسة وشكرا

خلاصة القول هل القيم والمبادئ بتتجزأ ، هل الاحترام واحد في جميع الاحوال ، يعني مثلا زي موضوع مسن المترو يضايقه البنت اللي حاطة رجل علي رجل ومايضيقوش الناس اللي نايمة وحاطة رجلها في أي حتة تطولها حتي لو كانت في وشه هو شخصيا ، مايضايكش من كم الزبالة في كل حتة ، ولانطلون الواد المقطع ، ولاالناس اللي ممكن تتلف مملكات عامة أوخصة زي السيارات ووسائل المواصلات والمحلات و.....إلخ ، طب هل المعالجة واحدة في جميع القضايا المجتمعية وخاصة الخاصة بالاقباط ؟هل القاصر تكون قاصر وممنوع إيذائها أوالتعدي عليها إذا كانت فاة مسلمة زي بسمة بطلة قرية الجلف ، ويتهضم حقها زي القاصر سلفانا وغيرها،هل تعالج الدولة الاعلام جميع حالات ألاختفاء للمصريين بمعيارواحد ،هل قانون اذدراء الاديان يطبق علي الجميع بنفس المقياس ، كلها أسئلة تستوجب منا البحث الرد عليها لنصل لبيئة محترمة يشعر جميع مواطنيها بالامان والرضي وينهضون جميعا بكل طمئنينة لرقي المجتمع وسلام