شاهد الفيديو :
هو إيه اللي بيحصل ده .
فيه حاجة غريبة بتحصل في مصر الأيام دي.
ناس حدفت ورمت المصلين باكياس المياه بساحة مسجد الصديق .. طبعا تصرف حقير وغبي من ناس اغبياء ..
لكن الاحقر والاغبي الإسراع في توجيه البعض الاتهامات
للمسيحيين ... ليه ؟؟؟
لان معظم البنات اللي بترمي الأكياس بشعرهم بدون حجاب لكن يشاء القدر أن يكون وسطهم محجبات ..
مستحيل المسيحيين يرتكبوا هذه الفعلة الغبية لسببين ... اولا هذه ليست اخلاقنا .. والثاني وبكل صراحة لن يجرؤ اي مسيحي فعل هذا تجنبا لما يمكن أن يحدث من تبعات ومشاكل ..
لكن كالعادة طالما بشعرهم ومش بحجاب يبقوا مسيحيين ويتم بث وصلة كراهية .. وكأني قطعة القماش اللي علي الرأس بقت الفيصل والحكم علي نوعية البشر .. غباء في غباء .. بالمناسبة غالبا هؤلاء اما سوريين أو خليجيين .. ياتري الأصوات اللي طالعة تقول مسيحيين هيكون رد فعلهم ايه لما يعرفوا انهم ليسوا مصريين ؟؟؟؟؟
تحديث: تم القبض عليهم
بنستغرب ليه لان في سرعة البرق ، طلعت بوستات زي الأخ ده علشان تشعلل الدنيا ، تبدأ الاتهامات للمسيحيين ومن هنا تيجي الفتن
طبعا إحنا ما يرضناش المنظر ده ، في أيام مفترقة ذي دي وبنحاول نوحد كلمتنا في ظل تداعيات المنطقة في الوقت الراهن ، لكن بنقول أيه اللي بيحصل ده ، وليه الحاجات دي بتظهر في التوقيت الصعب ده ، لعن الله الفتنة ومن أيقظها ، ونرجع نقول كل سنة وأنتوا طيبين وعاشت مصر بوحدة شعبها ووحدة أراضيها.